1. ජලය නොමැතිව පෘථිවිය තුළ ජීවය පැවැත්මට නොහැක. එසේ වීමට හේතු මොනවාද?
-
- ජලය සියළු ජීවී සෛලවල වැදගත් රසායනික සංඝටකයක් වීම.
- ජලය සියළු ජීවීන්ට ජෛව විද්‍යාත්මක මාධ්‍යක් සැපයීම.
2. ජල අණුව ධ්‍රැවීය ද? නිර්ධ්‍රැවීය ද?
3. ජල අණුව කුමන හැඩයක් ගනී ද?
4. ජල අණුවක් ඇඳ එහි ධ්‍රැවීයතාව හා හැඩය ලකුණු කර පෙන්වන්න.
5. ජලයේ සියළු ගුණ පවත්වා ගැනීමට දායක වන, ජල අණු අණු අතර පවතින දුර්වල ආකර්ෂණ බලය කුමක්ද?
-
- හයිඩ්‍රිජන් බන්ධන (H බන්ධන)
6. එම ආකර්ෂණ බලය ඇති වන්නේ කුමන පරමාණු අතරද?
-
- එක් ජල අණුවක සුළු වශයෙන් ධ්‍රැවීය හයිඩ්‍රිජන් පරමාණුව හා යාබද ජල අණුවේ සුළු වශයෙන් ධ්‍රැවීය ඔක්සිජන් පරමාණුව අතර
7. පෘථිවිය මත ජීවය පවත්වාගෙන යෑමට අවශ්‍ය ජලයේ ප්‍රධාන ගුණ 4 මොනවාද?
-
- සංසක්ති හැසිරීම.
- උෂ්ණත්වය මධ්‍යස්ථ කිරීමට ඇති හැකියාව.
- හිමායනයේදී සිදුවන ප්‍රසාරණය.
- ද්‍රාවකයක් ලෙස ඇති සර්වනිපුණත්වය.
කෘත්‍ය වලට අදාළ ජලයේ ගුණ
8. සංසක්තිය හා ආසක්තිය වෙන වෙනම හඳුන්වන්න.
-
- සංසක්තිය :- හයිඩ්‍රජන් බන්ධන නිසා ජල අණු අතර ඇති ආකර්ෂණය
- ආසක්තිය :- ජල අණු හා වෙනත් ද්‍රව්‍ය අතර ඇති වන ආකර්ෂණය
9. සංසක්තිය හා ආසක්තිය යන දෙකම නිසා ජලයට ලැබී ඇති හැකියාව කුමක්ද?
-
- පරිවහන මාධ්‍යයක් ලෙස ක්‍රියා කිරීමේ හැකියාව
10. එම හැකියාව සඳහා සංසක්තිය හා ආසක්තිය උපකාර වන ආකාරය වෙන වෙනම දක්වන්න.
-
- සංසක්තිය මඟින් ජලය හා ජලයේ ද්‍රාව්‍ය ඛනිජ ලවණ සහ පෝෂක ද්‍රව්‍ය වැනි දිය වූ ද්‍රව්‍ය සනාල පටක වන ශෛලමය සහ ප්ලෝයමය තුළින් ගුරුත්වයට එරෙහිව පරිවහනය වේ.
- ආසක්තිය, ජලය සහ ජලයේ දිය වූ ද්‍රව්‍ය පරිවහනයේදී ජල අණු සහ සෛල බිත්ති අතර ක්‍රියත්මක වේ.
11. ජලයට ඉහළ පෘෂ්ඨික ආතතියක් ලැබී ඇත්තේ ජලයේ කුමන ගුණයක් නිසාද?
-
- ජල අණු අතර පවතින සංසක්ති බල නිසා
12. ඉහළ පෘෂ්ඨික ආතතිය නිසා ඇති වාසියක් නම් කරන්න.
-
- කුඩා කෘමීන්ට පොකුණක ජල පෘෂ්ඨය මත ඇවිදීමට හැකිය.
උදා -: දිය ලිස්සන්නා
13. ජලයට, උෂ්ණත්වය මධ්‍යස්ථ කිරීමට හැකියාව ලැබී ඇත්තේ ජලය සතු කුමන ගුණ මඟින් ද?
-
- අධික විශිෂ්ට තාපය
- අධික වාෂ්පීකරණ තාපය
14. එම ගුණ මඟින් උෂ්ණත්වය මධ්‍යස්ථව පවත්වා ගන්නේ කෙසේද?
-
- අධික විශිෂ්ට තාපය නිසා පෘථිවිය මත උෂ්ණත්වය උච්චාවචනය සිදු වන විට ජීවී පද්ධති සහ ජල ස්කන්ධය තුළ ජලය තාප ස්වාරක්ෂකයක් ලෙස ක්‍රියා කරයි.
- අධික වාෂ්පීකරණ තාපයක් ඇති නිසා ජීවියෙකු තුළ අවම ජල හානියක් සිදු කරමින් වැඩි තාප ශක්තියක් නිදහස් කළ හැකිය. එනිසා ජීවියෙකුගේ දේහ පෘෂ්ඨය සිසිල් පෘෂ්ඨයක් ලෙස පවත්වා ගනී.
උදා -: අධික උණුසුම් වීම වැළැක්වීමට
15. දේහ උෂ්ණත්වය නියත මට්ටමක පවත්වා ගැනීමට මිනිස් සම දායක වන්නේ කෙසේද?
16. ශාක දේහ පෘෂ්ඨය සිසිල් පෘෂ්ඨයක් ලෙස පවත්වා ගැනීමට ශාකවල සිදුවන ක්‍රියාවලිය කුමක්ද?
17. හිමායනය ආරම්භ වීම සිදු වන්නේ ජලයේ උෂ්ණත්වය කීයෙදී ද?
18. ජලයට උපරිම ඝනත්වයක් ඇත්තේ කුමන උෂ්ණත්වයේදී ද?
19. හිමායනයේදී සිදුවන අසමාකාර ප්‍රසාරණය වැදගත් වන්නේ ඇයි?
-
- ධ්‍රැව ප්‍රදේශ වල ජල ස්කන්ධ තුළ සිටින ජීවීන්ට ශීත ඍතුවේදී නොනැසී පැවැත්මට.
20. ද්‍රාවකයක් ලෙස ඇති සර්ව නිපුණත්වය ජලයට ලැබී ඇත්තේ ජලය සතු කුමන ගතිගුණය නිසා ද?
21. ජලයේ දියවන අණු වර්ග හා ඒවාට උදාහරණ දෙන්න.
-
- ධ්‍රැවීය අණු :- ග්ලූකෝස්
- නිර්ධ්‍රැවීය අයණික සං‍යෝග :- සෝඩියම් ක්ලෝරයිඩ්
- ධ්‍රැවීය අයණික සං‍යෝග :- ලයිසොසයිම්
22. ද්‍රාව්‍යතාව රඳා පවතින්නේ අයණික ස්වාභාවය මත ද? ධ්‍රැවීයතාව මත ද?
